Kryeministri Avdullah Hoti emëron ministrin e ri në detyrë të Financave

Kryeministri në detyrë i Kosovës, Avdullah Hoti emëroi Agim Krasniqin si ministër në detyrë të Financave pasi Hykmete Bajrami dha sot dorëheqje nga kjo pozitë.

Para kësaj lëvizjeje, z. Krasniqi mbante postin e zëvëndësministrit në detyrë të Financave.

Ish-ministrja Bajrami dha dorëheqje të parevokueshme nga kjo pozitë, por shtoi se nuk është larguar nga LDK-ja, parti së cilës i takon.

“Më lejoni t’ju njoftoj se sot, me 24 shkurt 2021, me kërkesën time, jam liruar nga pozita e Ministres së Financave në detyrë. Aktivitetin tim politik do ta vazhdoj si deputete e LDK-së në Kuvendin e Republikës së Kosovës, sapo të certifikohen rezultatet e zgjedhjeve,”, njoftoi Hykmete Bajramit.

Gjatë kohës kur znj. Bajrami drejtonte Ministrinë e Financave nga Thesari i Kosovës u vodhën 2.1 milionë euro, rast për të cilin janë vënë në pranga dy persona, ndërsa hetimet vijojnë.

Lexoni gjithashtu: 

Kosovë, jep dorëheqjen ministrja në detyrë e Financave, Hykmete Bajrami