Në KLGJ mbahet seanca gjyqësore ndaj magjistrates Hoxha, vendimi shtyhet më 4 mars

Në Këshillin e Lartë Gjyqësor po zhvillohet seanca disiplinore ndaj magjistrates së Krujës, Enkeleda Hoxha, ku pas shqyrtimit, në fund të seancës u bë me dije se vendimi do të shtyhet deri më 4 mars.

Sipas Artur Metanit, vendimet e marra nga magjistratja Hoxha për rastin e Hekuran Billës diskretitojnë rëndë figurën dhe pozitën e gjyqtarit si brenda vendit ashtu edhe në marrëdhënie me autoritetet gjyqësore të huaja, vendimet e të cilave njihen dhe ekzekutohen në shtetin shqiptar.

Për rastin e Billës, për të cilin kërkohet shkarkimi Inspektoriati i Lartë i Drejtësisë ka proceduar dhe prokurorin Bujar Memia për të cilin gjithashtu është kërkuar shkarkimi që do të shqyrtohet më 15 mars.

“Veprimet dhe sjelljet e magjistrates përbëjnë shkelje disiplinore që kanë sjellë përfitim të padrejtë për palët në një proces gjyqësor në kundërshtim me ligjin. 6 vendime të dhëna prej gjyqtares në harkun kohor nga maj 2017- shkurt 2019, përbëjnë akte që diskreditojnë pozitën dhe figurën e gjyqtarit”, thuhej në shkresën ku kërkohej shkarkimi i Hoxhës. 

Lexoni gjithashtu: 

ILD i kërkon KLGJ-së shkarkimin e gjyqtares Enkeleda Hoxha

KLD i jep kohë gjyqtares Hoxha të përgatisë mbrojtjen deri më 15 shkurt

Caktohen gjyqtarët që do shqyrtojnë ankimimin e Enkelejda Hoxhës dhe mjekut Edvin Prifti

KLGJ shtyn vendimin për shkarkimin e gjyqtares Enkelejda Hoxha

Mjeku dhe gjyqtarja në Apel, SPAK kalon në sitë pasuritë dhe llogaritë e kardiokirurgut