“Do lindë një ‘botë e re’”- Osmani: Pritet një përplasje e madhe ushtarake SHBA-Kinë

Eksperti i sigurisë, Kreshnik Osmani, është shprehur se një botë e re do të lindë pasi SHBA-të dhe Kina të merren vesh me njëra-tjetrën.

Komentet Osmani i bëri në “Euronews Albania”, ku tha se kjo nuk mund të arrihet pa një përplasje të fuqishme diplomatike dhe ushtarake mes dy vendeve.

Ai shtoi se amerikanët e kanë të qartë se armiku dhe kërcënimi i tyre i vetëm në botë është Kina dhe sipas tij, janë përpjekur disa herë që ta tërheqin Pekinin në luftë, por nuk ia kanë dalë.

“Bota e re do të lindë sapo të merren vesh amerikanët me kinezët dhe kjo nuk mund të ndodhë pa një përplasje të fortë diplomatike dhe ushtarake të Uashingtonit dhe Pekinit, është e pashmangshme. Por kur do të ndodhë, atë e vendosin ata vetë.

Amerikanët duan ta tërheqin Kinën në një përplasje. Tentuan të fërkohen me të në Taivan, mund të kërkojnë të fërkohen edhe në rajone të tjera, por kinezët nuk duan të përplasen. Nuk duan të luftojnë me Amerikën. Amerika e ka të qartë se kërcënimi i vetëm për SHBA-të nuk është Rusia, por Kina.

Për këtë arsye bota me rënien e unilateralizmit, me rënien e urdhërit liberal botëror që ra me sulmin e Putinit ndaj Ukrainës, kur ra unilateralizmi që kishte filluar që pas luftës së dytë botërore në vitin 2017. Kinezët nuk duan të tërhiqen në luftë në këtë moment”, tha Osmani.

LEXONI GJITHASHTU:

• EMRI/ Identifikohet autori i vrasjes në Fier, publikohet foto e makinës
• Kush është 41-vjeçari që u ekzekutua në qytetin e Fierit