Trazirat në Armeni, kryeministri i gatshëm për zgjedhje të parakohshme

Kryeministri armen, Nikoll Pashinyan tha të hënën se ishte gati të mbante zgjedhje të parakohshme, ndërsa protestuesit hynë në ndërtesën e qeverisë për të kërkuar dorëheqjen e tij.

“Nëse opozita parlamentare bie dakord me zgjedhjet e parakohshme, ne gjithashtu do të pajtohemi,” u tha Pachinyan rreth 10.000 mbështetësve të mbledhur në ‘Sheshin e Republikës’.

“Le të shkojmë në zgjedhje për të parë se kë po thërret populli për të dhënë dorëheqjen,” tha ai.

“Vetëm njerëzit mund të vendosin se kush do të qëndrojë në pushtet”, tha ai më tej.

Një grup opozitar hyri me forcë në ndërtesën e qeverisë në Jerevanin qendror të hënën, por u largua menjëherë pas pa asnjë dhunë.

Pashiani është përballur me kërkesat e opozitës për të dhënë dorëheqjen që kur nënshkroi një marrëveshje paqeje në nëntor, që solli përfundimin pas gjashtë javësh të luftimeve të ashpra me Azerbajxhanin mbi rajonin e Nago-Karabakut.

Marrëveshja e ndërmjetësuar nga Rusia i ktheu Azerbajxhanit kontrollin e një pjese të madhe të rajonit, të cilat prej një kohe të gjatë mbaheshin nga forcat armene.

Lexoni gjithashtu:

Armeni, protestuesit futen brenda godinës së qeverisë

Kriza politike në Armeni, presidenti refuzon të shkarkojnë kreun e forcave të armatosura