Suksesi i platformës “Zoom”, shërbimi i video-konferencave parashikon rritje të mëtejme të shitjeve

Drejtori i platformës Zoom, Erik Huan, ka deklaruar se kompania e tij ka shënuar rritje rekorde të përdorimit gjatë dy vjetëve të fundit. Kjo ka ndodhur për shkak të pandemisë së COVID-19, ku pothuajse tërë shtetet e botës qëndruan në izolim.

Aksionet e kompanisë u rritën me 10% vetëm në tremujorin e parë të këtij viti. Pandemia ka bërë që shumë biznese në botë ta bartin punën nga zyra në shtëpi dhe ”Zoom” është bërë një nga platformat e domosdoshme praktikisht brenda natës, me bizneset që e përdorin platformën për video-konferenca.

Gjatë këtij viti, kompania pësoi një rritje të shitjeve prej 326%, duke sjellë fitime prej 671 milionë dollarësh në vitin 2020, krahasuar me 21.7 milionë dollarë të arkëtuara në 2019-n.

Teksa disa shtete po fillojnë lehtësimin e masave, shumë kompani po rikthejnë punonjësit në zyra, megjithatë ekspertët presin që fleksibiliteti i të punuarit nga shtëpia mund të zgjasë edhe pas Pandemisë. Versioni falas i ”Zoom” lejon të marrin pjesë 100 pjesëmarrës njëkohësisht. Platforma ofron regjistrimin e bisedës, ndryshimin e këndeve të kamerës dhe dërgimin e mesazheve.