Fituesit e ”Berlinales” 2021, triumfojnë regjisorët Radu Jude, Denes Nagy dhe aktorja Maren Eggert

Filmi satirik “Bad Luck Banging or Loony Porn” nga regjisori rumun Radu Jude është vlerësuar me çmimin e madh në Festivalin Ndërkombëtar të Filmit në Berlin.

Sipas jurisë, ky produksion ka cilësinë e rrallë dhe thelbësore të një pjese arti që do t’i rezistojë viteve.

Një tjetër regjisor europian, Denes Nagy nga Hungaria u vlerësua me çmimin e regjisorit më të mirë për filmin debutues “Natural Light”, që sjell historinë e një njësie partizanësh hungarezë në Bashkimin Sovjetik gjatë Luftës së Dytë Botërore.

“Ariu i Argjendtë” për performancën më të mirë të një protagonisti i shkoi aktores gjermane Maren Eggert, e cila luan rolin e një shkencëtareje që eksploron jetën me një robot humanoid në filmin “I’m Your Man”.

“Berlinalja” e këtij viti u mbajt online për shkak të pandemisë dhe “Ariu i Artë do t’i jepet fizikisht fituesve gjatë verës, me rikthimin e festivalit në formatin normal, që do të shoqërohet me një event publik dhe ceremoni fizike të ndarjes së çmimeve, të parashikuara në datat 9-20 qershor.

Lexoni gjithashtu: 

Rusët përkujtojnë Stalinin, ceremoni në Sheshin e Kuq të Moskës, kujtohet epoka sovjetike

Fustani revolucionar i përbërë nga algat fiton çmimin e Louis Vuitton

Skocia e vendosur të organizojë ndeshjet e ”Euro 2020” pavarësisht pandemisë