Bullgaria ankohet në BE për Serbinë, deputeti bullgar i Parlamentit Europian: Gjuha e urrejtjes dëmton rajonin 

Një përfaqësues bullgar i Parlamentit Europian, Angel Dzhambazki ka kërkuar që Komisioni Europian të kërkojë shpjegime ndaj Serbisë në lidhje me përshkallëzimin e gjuhës së urrejtjes ndaj Bullgarisë.

Sipas deputetit bullgar, kryetari i Parlamentit serb, Ivica Daçiç ka deklaruar që Bullgaria ka kryer “krime fashiste” në Ballkan, gjë që nuk korrespondon me të vërtetat historike.

Në kundërshtim me këtë, ka shumë dëshmi për krimet e kryera nga ushtria serbe dhe çetnikët e tyre në kufijtë e tyre perëndimorë dhe në Maqedoninë e Veriut.

Përfaqësuesi bullgar i parlamentit evropian ka kërkuar nga Komisioni Evropian që të dënojë deklaratat dhe t’i kërkojë shpjegime Serbisë për pohime të tilla që kërkojnë të demonizojnë Bullgarinë dhe të destabilizojnë rajonin.

LEXONI GJITHASHTU:

• Lajçak në Kosovë, ”Dialogu do të vijojë, marrëveshja brenda mandatit të qeverisë Kurti”
• Carles Puigdemont, Parlamenti Europian voton për heqjen e imunitetit të separatistëve katalanas
• Parlamenti Europian miraton buxhetin 1.8 trilionë euro për shtatë vitet e ardhshme
• Rregullat për vaksinën anti-COVID, BE thirrje për transparencë: Siguria, prioriteti kryesor