Debat politik në acar, moti i keq ‘kërcënon’ përplasjen Haley-De Santis në Ajoua

Qytetarët në Ajoua po bëhen gati për më shumë reshje dëbore pas stuhisë së fuqishme të kësaj jave. Situata mund të ketë pasoja tek politika, pasi të hënën më 15 janar do të ketë debat politik, në të cilin ish-guvernatorja e Karolinës së Jugut, Nikki Haley do të jetë përballë guvernatorit të Floridës, Ron De Santis, si alternativë ndaj Donald Trump.

“Për debatin, të gjithë duhet të paraqiten në orën 19 të së hënës. Dhe nëse moti është vërtet i keq, atëherë kjo do të ndikojë tek pjesëmarrja. Por është paksa e vështirë të thuash se cila fushatë mund të preket më shumë se një tjetër dhe se kush mund të vendosë të mos paraqitet. Ka një numër opsionesh”, deklaroi Tim Hagle, profesor i shkencave politike, Universiteti i Ajouas.

Ky vit nisi me stuhi të fuqishme dëbore në të gjithë veriun e Shteteve të Bashkuara, nga Paqësori deri në Atlantik dhe sidomos në Veri Lindje. Vonë gjatë së premtes, guvernatori i Nju Jorkut shpalli gjendjen e jashtëzakonshme për shkak se acari kërcënonte jetët e njerëzve.

LEXONI GJITHASHTU:

• ‘Goditje’ për Trump, kandidati republikan del nga gara e primareve. Kush favorizohet
• A është imun nga ndjekja penale Trump? Gjykatësit e Apelit në SHBA japin qëndrimin