Erdogan kërkon Stambollin, shpall kandidatin e tij për kryebashkiak

Presidenti turk Rexhep Tajip Erdogan shpalli të dielën kandidatin e Partisë së tij, për kryebashkiakun e Stambollit përpara zgjedhjeve lokale që do të mbahen më 31 mars.

“Përsëri Stamboll, Përsëri AKP”, tha Erdogan ndërsa njoftoi se kandidati i tij është  Murat Kurum, një ligjvënës aktual që përfaqëson Stambollin dhe një ish-ministër Urbanizimi.

“Dorë për dore, krah për krah, patjetër do ta nxjerrim Stambollin nga periudha e ndërsjellë e pesë viteve të fundit. Ashtu si të gjithë qytetarët e Stambollit, ne e shohim shumë qartë se Stambolli nuk mund të tolerojë më humbjen e pesë viteve të tjera”, shtoi Erdogan, duke kritikuar kryebashkiakun aktual Ekrem Imamoglu, nga Partia opozitare,

I mbështetur nga një aleancë e përbashkët opozitare, Imamoglu fitoi në Stamboll në zgjedhjet lokale të vitit 2019, në të cilat Erdogan përjetoi një disfatë poshtëruese, duke humbur kryeqytetin, Ankaranë, dhe qendrat industriale dhe turistike të Antalias, Mersinit dhe Adanasë, përveç Stambollit.

Kurum ishte ministër i Mjedisit, Urbanizimit dhe Ndryshimeve Klimatike të Turqisë midis 2018 dhe 2023. Ai u zgjodh në parlament si deputet i AKP-së në zgjedhjet e vitit 2023 nga Stambolli.

Një aleat i ngushtë i Erdoganit, ai u akuzua për keqmenaxhimin e tërmeteve të dyfishta që goditën Turqinë jugore në shkurt 2023, duke vrarë më shumë se 55,000 njerëz dhe duke lënë miliona të pastrehë.

LEXONI GJITHASHTU:

• Erdogan kritika SHBA dhe Britanisë: Po e shndërroni Detin e Kuq në “det gjaku”
• Lufta në Gaza, Blinken takim “kokë më kokë” me Erdogan