Kurti takim me O’Brien në Davos: Zyrtari i SHBA, vlerësim për progresin në Kosovë

Kryeministri i Kosovës, Albin Kurti është takuar me Ndihmës Sekretarin e Shtetit amerikan për Çështjet Evropiane dhe Euroaziatike, O’Brien në Forumin Ekonomik Botëror që po mbahet në Davos.

Kurti ka thënë se zyrtari i lartë amerikan ka shprehur vlerësim për siç thotë Kurti progresin ekonomik dhe demokratik të arritur në Kosovë.

Po ashtu kreu i ekzekutivit kosovar ka theksuar se O’Brien ka njohur përmbajtjen e Kosovës ndaj sulmeve dhe provokimeve që po bëhen, duke iu referuar raporteve me Serbinë.

Përveç Kurtit, në Davos po merr pjesë edhe presidenti i Serbisë, Aleksandar Vuçiç. Vuçiç pritet të takohet me Obrien po ende nuk dihet nëse ndërmjetësit euro amerikan do t’ia dalin të realizojnë një takim Kurti-Vuçiç.

LEXONI GJITHASHTU:

• Kryeministri Kurti takon Ambasadorin William Walker
• Kurti: Serbia me “metodat e Putinit” rrezik për Kosovën dhe vetë qytetarët serbë