Bie vlera e pikturës “Rruga në Montmartre” e Van Gogh, shitet për herë të dytë me një çmim më të ulët

Një pikturë e artistit holandez Vincent Van Gogh  ku shpaloset një rrugë e Parisit, në ankandin e së enjtes arriti çmimin 14 milionë euro, çmimin më i ulët nga sa ishte pritur dhe deklaruar.

Shtëpia e ankandeve Sotheby’s tha se kishte pasur një problem në sistemin e saj të ofertave në internet gjatë  fazës së parë të shitjes së pikturës, e cila ishte mbajtur në një koleksion privat për më shumë se një shekull.

Herën e parë Piktura “Skena e rrugës në Montmartre” mori një ofertë më të lartë, prej 11.25 milion eurosh, por  në ankandin e dytë ajo u shit për 13.1 milion euro.

Kjo shumë tejkaloi shifrën 5-8 milion euro që shtëpia e ankandit kishte vlerësuar  punën e artistit , pikturuar në vitin  1887 ndërsa Van Gogh ishte duke qëndruar me vëllain e tij Theo në kryeqytetin francez.

Ankandi u zhvillua në Paris me oferta në internet ose me telefon nga Parisi, New York dhe Hong Kong. Piktura, e cila përshkruan një burrë dhe një grua duke shëtitur krah për krah pas një gardhi ku në sfond shfaqet  edhe një mulli me erë, u ofrua nga koleksioni i një familjeje franceze.

Piktura është  pjesë e një serie veprash të  Van Gogh ku janë hedhur në telajo pjesëza nga Montmartre, një lagje kodrinore e Parisit që tani dominohet nga kisha Sacre Coeur.