Vijon greva e operatorëve të transportit publik në Kosovë, kërkojnë subvencionim nga qeveria

Bojkotimi i punës dhe greva e operatorëve të transportit publik në Kosovë po vazhdon edhe sot.

Marshi-protestues me autobusë ka filluar në orën 10:00.

Ndërkohë në orën 12:00 në sheshin “Skënderbeu” në Prishtinë, përkatësisht para qeverisë, drejtues të Shoqatës së Transportuesve Rrugor të Udhëtarëve do të bëjnë një paraqitje publike para mediave në shenjë proteste për mos-subvencionimin nga ana e qeverisë.

Kryetari i kësaj shoqate Ruzhdi Kurtishaj theksoi për KosovaPress se nuk heqin dorë nga grevat dhe protesta deri në realizimin e marrëveshjes për subvencionim nga qeveria.

Prej të mërkurës, Shoqata e Transportit Rrugor të Udhëtarëve ka ndalur qarkullimin e autobusëve.