Nuk ka mjaftueshëm vaksina, ministri gjerman: S’e ndalim dot valën e tretë të Covid-19

Ministri gjerman i Shëndetësisë, Jens Spahn ka paralajmëruar gjatë ditës së sotme se Evropa nuk ka mjaftueshëm vaksina për të ndalur valën e tretë të koronavirusit.

“Nga një analizë e ndershme e situatës rezulton se nuk kemi mjaftueshëm vaksina në Evropë për të ndalur valën e tretë vetëm me anë të vaksinimit. Do të duhen dhe disa javë që grupet e rrezikuara të jenë vaksinuar plotësisht”, pranoi ministri gjerman.

Nga ana tjetër, Jens Spahn tha se Gjermania ka rifilluar vaksinimet me vaksinën AstraZeneca, pas katër ditësh ndërprerje.

Ai gjithashtu u shpreh që ishte i gatshëm për të nënshkruar një marrëveshje me Rusinë për të marrë dozat e vaksinës Sputnik V.