Negociatat për presidentin, Abdixhiku kërkon takim të dytë me Vjosa Osmanin

Mesa duket Lumir Abdixhiku ka nevojë edhe për një takim të dytë më Vjosa Osmanin, për t’u bindur që të votojë kandidaturën e saj si presidente e Kosovës.

Pas bisedimeve që të dy kanë pasur sot, Abdixhiku ka deklaruar se takimi ka qenë shumë i frytshëm dhe pozitiv, si dhe ka vlerësuar platformën e Osmanit. Megjithatë ai është shprehur se do të ketë një konsultim me strukturat e Lidhjes Demokratike të Kosovës, si dhe më pas një takim të dytë më Osmanin.

Shumë zëra brenda LDK thonë se kjo parti duhet ta mbështesë znj. Osmani, qoftë dhe me qëndrimin në salle për t’i bërë shumicën e nevojshme.

Një prej tyre është dhe deputetja Valentina Bunjaku Rexhepi që e ka deklaruar votën e saj hapur pro kandidaturës së Vjosa Osmanit.