Milani rikthehet te fitorja, tashmë 4 pikë larg Interit, sukses edhe për Atletico Madrid

Pas katër ndeshjesh pa fitore, Milani është rikthyer te suksesi, duke mundur në transfertë Romën me rezultatin 2-1. Kuqezinjtë dominuan ndaj kryeqytetasve që kishin bërë mjaft mirë në takimet e fundit.

Njëmbëdhjetëmetërshi i Kessi dhe realizimi i Rebiç zhvlerësuan golin e Veretout. Sukses shumë i rëndësishëm për skuadrën e Piolit që e sheh veten 4 pikë pas Interit, që po të dielën mori një tjetër fitore ndaj Genoas. Ziklatërit triumfuan 3-0 ndaj këtyre të fundit.

Në kampionatin spanjoll Atletico Madrid u kthye te fitorja pas dy hapave të gabuar. Kryesuesit e kampionatit rikthehen në rrugën e duhur drejt titullit, pasi mundën me rezultatin 2-0 ndaj Villareal. Skuadra e Simeones e sheh veten 8 pikë më shumë se Barcelona që ka një ndeshje më pak.

Në Angli, Manchester United u nda në barazim pa gola me Chelsea-in. Të ashtuquajturit “Djajtë e kuq” i kirjuan mundësinë Manchester City-it që të thellojë akoma dhe më shumë diferencën në krye. Chelsea në anën tjetër i ndërlikon pozitat e tij për zonën Champions, pasi ky ishte barazimi i dytë radhazi më Premier League.