Obama dhe Pelosi do të bashkojnë forcat për të rizgjedhur Biden

Ish-Presidenti i Shteteve të Bashkuara të Amerikës, Barack Obama, do të bashkojë forcat me ish-kryetaren e Dhomës së Përfaqësuesve, Nancy Pelosi, në përpjekje për të ndihmuar rizgjedhjen e Joe Biden si President i Shteteve të Bashkuara.

Ata do të bashkohen të shtunën përpara 14-vjetorit të Aktit të Kujdesit të Përballueshëm, i njohur si “Obamacare”, një nga argumentet më të forta për rizgjedhjen e Biden.

“Kjo tregon se çfarë do të thotë të kesh liderë që luftojnë për ty dhe bëjnë gjëra që njerëzit i mendonin të pamundura”, tha kryetarja e fushatës së Biden, Jen O’Malley Dillon, sipas Politico.

Obama dhe Pelosi do të marrin pjesë së bashku në një seri ngjarjesh virtuale, si dhe ngjarje të drejtpërdrejta në Arizona, Georgia, Michigan, New Hampshire, Nevada, Karolina e Veriut, Pensilvania dhe Wisconsin.

Me sulmet republikane ndaj imigracionit, inflacionit dhe krimit, Partia Demokratike po mbështetet te kujdesi shëndetësor, një çështje për të cilën sondazhet tregojnë se votuesit u besojnë demokratëve.

LEXONI GJITHASHTU:

• Telefonata Biden-Netanjahu: Një ekip izraelit do të vizitojë Uashingtonin
• Bideni pret në Uashington liderët polakë