Duma ruse miraton pa asnjë votë kundër, ndryshimet kushtetuese të propozuara nga Putin

23 Janar 2020 | 15:53

Duma ruse kalon ndryshimet kushtetuese, pa asnjë votë kundër. Dhoma e ulët e Parlamentit rus mbështeti në mënyrë unanime ndryshimet kushtetuese të propozuara nga presidenti Vladimir Putin, që shihen gjerësisht si një përpjekje e tij për të zgjeruar influencën pasi të tërhiqet.

Reformat, që Presidenti rus i zbuloi javën e kaluar, u mbështetën nga të 432 ligjvënësit që ndodheshin në sallën e Dumës, siç njihet ndryshe dhoma e ulët e Parlamentit, e kontrolluar nga partia në pushtet Rusia e Bashkuar. Askush nuk votoi kundër apo abstenoi.

Ndryshimet duket se i japin fushëveprimi Putin që të ruajë influencën e tij në momentin që mandati presidencial skadon në vitin 2024, edhe pse pak ditë më parë ai tha se nuk mbështet praktikat e epokës sovjetike me liderë të përjetshëm që vdesin në detyrë.

Legjislacioni mban për herë të parë statusin e Këshillit të Shtetit, aktualisht një strukturë e profilit të ulët që këshillon presidentin. Disa nga kompetencat e gjera të kreut të shtetit përfshihen gjithashtu në ndryshimet kushtetuese, që parashikojnë edhe zgjerimin e pushtetit të Parlamentit.

Putin, 67 vjeç, nuk i ka bërë publike planet e tij kur do të lërë Kremlinin. Para se të kthehen në ligj, amendamentet kushtetuese duhet të aprovohen nga dhoma e ulët e Parlamentit në dy votime të mëtejshme, para se të votohen në dhomën e sipërme, të ekzaminohen nga parlamentet rajonale dhe më pas të firmosen nga vetë Putin. Kushtetuta e Rusisë nuk ndryshohet që prej vitit 1993.

Home Kryefaqja
Shiko në: YouTube
Lajme të Sugjeruara

Ushtria amerikane sulm ndaj një anije të dyshuar me drogë në Oqeanin Paqësor, dy viktima

Ushtria amerikane sulmoi një anije të akuzuar për kontrabandë droge në Oqeanin Paqësor lindor të mërkurën, duke vrarë dy burra, ndërsa administrata Trump zhvillon një fushatë kundër trafikantëve të...
14:12 | 04/06/2026

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026