Stadiumit Maracana propozohet t’i ndryshohet emri në Pele

Stadiumi i mirënjohur Maracana në Brazil do të emërtohet sipas futbollistit legjendar Pele.

Ndryshimi do të ndodhë pas një votëbesimi në autoritetet lokale të Rio de Janeiros ku u ra dakord që stadiumi të quhet sipas emrit të ikonës së futbollit brazilian, tashmë 80-vjeçar.

“Edson Arantes do Nascimento – Rei Pele” – është emri i plotë i Pele-së dhe “Rei” në portugalisht do të thotë “Mbret” çka ka qenë edhe nofka e Peles.

Megjithatë vendimi i autoriteteve lokale duhet të miratohet nga qeveria qëndrore përpara se të bëhet zyrtar.

Pele, i cili fitoi tre tituj kampion bote si lojtar i përfaqësueses braziliane, realizoi golin e tij të 1 mijtë në Maracana në vitin 1969 në ndeshjen Santos-Vasco da Gama.

Stadiumi është i mirënjohur për faktin se ka organizuar disa finale që prej vitit 1950, duke përfshirë edhe atë të vitit 2014 në Kupën e Botës, sikurse edhe ceremoninë hapëse të Lojërave Olimpike.

Maracana, që zyrtarisht ka një kapacitet prej rreth 80 mijë spektatores, është një nga stadiumet që mban edhe rekordin për sa i përket numrit më të madh të spektatorëve në një ndeshje, më shumë se 200 mijë, shënuar në finalen e Kupës së Botës 1950 kur Brazili mundi Uruguain.