Rritet çmimi i naftës/ Rikthehet kriza, një fuçi po shitet për 90 dollarë

Çmimi i naftës është rritur në bursa gjatë muajit të fundit. Një fuçi po shitet për 90 dollarë, niveli më i lartë që nga muaji tetor 2023.

Një fuçi naftë po tregtohet për 90 dollarë në bursën europiane. Çmimi është rritur ndjeshëm, gjatë 30 ditëve të fundit, kur bursa e Londrës e tregtonte javën e parë të marsit për 82 dollarë. Në tregun vendas, çmimi mesatar i shitjes është 189 lekë, me rritje të lehtë, një rritje e lehtë e reflektuar që nga ditët e para të prillit.

Arsyet lidhen me vendime gjeopolitike dhe konflikte në glob. Pak ditë më parë tensionet ushtarake midis Izraelit dhe Iranit ishin shkaktari i menjëhershëm për shtrenjtimin.

Po ashtu, një lëvizje e fundit e Meksikës për të ulur eksportet e saj të papërpunuara po krijon një tjetër shtrëngim global, duke bërë që rafineritë në SHBA, prodhuesi më i madh i naftës në botë të konsumojnë më shumë fuçi vendase.

Sanksionet amerikane kanë bllokuar ngarkesat ruse në det, me furnizimin e Venezuelës një objektiv të ardhshëm të mundshëm. Sulmet e rebelëve Houthi ndaj cisternave në Detin e Kuq kanë vonuar dërgesat e naftës së papërpunuar. Dhe pavarësisht trazirave, OPEC dhe aleatët e tij po i përmbahen shkurtimeve të prodhimit.

LEXONI GJITHASHTU: 

• Vaji i ullirit në Spanjë bëhet produkti më i vjedhur nga supermarketet
• NATO e shqetësuar për retorikën secesioniste e përçarëse në Bosnje