Gjykata e Lartë e Arizonës mbështet ndalimin e abortit

Gjykata e Lartë e Arizonës miratoi sot një ndalim 160-vjeçar të abortit që mund të ndalonte pothuajse të gjitha abortet në klinikat në të gjithë shtetin.

Vendimi i gjykatës do t’i japë fund pothuajse të gjitha aborteve në vend dhe e vendos këtë çështje në qendër të një beteje politike që do të luajë një rol kyç në përcaktimin e presidentit të ardhshëm dhe shumicës në Senat, raportoi AP.

Demokratët kritikuan menjëherë vendimin, duke akuzuar ish-presidentin Donald Trump për humbjen e aksesit në abort pasi Gjykata e Lartë e SHBA i dha fund të drejtave të abortit në mbarë vendin dhe lejoi miratimin e ligjeve si ai i Arizonës, i cili hyri në fuqi në 1864.

“Vendimi i sotëm për të futur një ligj nga koha kur Arizona nuk ishte shtet, kur Lufta Civile ishte ndezur dhe gratë nuk mund të votonin, do të mbahet mend si një njollë në historinë e shtetit tonë”, tha Prokurorja e Përgjithshme Demokrate, Chris Mays.

Ajo premtoi se prokurorët nga zyra e saj nuk do ta mbështesin ligjin.

LEXONI GJITHASHTU:

• Aborti, divorci, prostitucioni, për çfarë janë më pak tolerantë shqiptarët
• Franca, vendi i parë në botë që njeh abortin si të drejtë kushtetuese