Gaz nga SHBA, nënshkruhet marrëveshja me kompaninë amerikane për TEC-in e Vlorës

Qeveria e Shqipërisë ka nënshkruar një marrëveshje bashkëpunimi me kompaninë amerikane ExxonMobil dhe Excelerate Energy për termocentralin e Vlorës, për të përdorur gazin e lëngshëm në prodhimin e energjisë elektrike.

Marrëveshja është në kuadër të Memorandumit të Mirëkuptimit mes Shqipërisë dhe SHBA për bashkëpunim ekonomik, nënshkruar në verë të vitit të kaluar, ku Vlora synohet të kthehet në një qendër rajonale për shpërndarjen e gazit të lëngshëm të importuar nga SHBA.

Termocentral i Vlorës në projekt ishte parashikuar që të punonte me dy lloj lënde djegëse të alternueshme, naftë dhe gaz natyror.

Nënshkrim i marrëveshjes së Bashkëpunimit midis Shqipërisë e SHBA, përmes Ministrisë së Infrastrukturës e Energjisë dhe Exxon Mobil & Excelerate Energy, për futjen e gazit të lëngshëm natyror nga Amerika (LNG) në Shqipëri.

Ky projekt përfshin konvertimin e TEC-it të Vlorës me LNG, ndërtimin e një terminali të ri gazifikimi dhe shpërndarjen e LNG, duke e shndërruar Vlorën në një HUB rajonal për gazin e lëngshëm.

Gazi natyral përbën aktualisht një burim të pastër energjie pasi rezulton një lëndë djegëse e pastër duke lëshuar pak diokside të karbonit në krahasim me lëndët e tjera fosile.