Homazhet për deputetin Bashkim Fino bëjnë bashkë politikën

Homazhet në nder të deputetin socialist Bashkim Fino, i cili u nda nga jeta mëngjesin e sotëm në moshën 59-vjeçare, bënë bashkë përfaqësuesit e politikës.

Në Pallatin e Kongreseve, ku po kryhen nderimet e fundit mbi trupin e pajetë të ish-kryeministrit të Pajtimit Kombëtar, personalitet të shumta të politikës, të majtë e të djathtë janë bërë bashkë për t’i dhënë lamtumirën e fundit politikanit të njohur duke shprehur edhe vlerësimet për të.

“Do ta kujtoja si një njëri me zemër të madhe në familjen e tij politike, si një legjislator në disa legjislatura, si një pushtetar; nga kryetar bashkie, kryeministër, zv/kryeministër dhe ministër konsekuent për të zbatuar ligjet e shtetit, zemërmadh edhe me kundërshtarët”, u shpreh pas homazheve kryeparlamentari Gramoz Ruçi.

“Do ta kujtoja si një njëri me zemër të madhe në familjen e tij politike, si një legjislator në disa legjislatura, si një pushtetar; nga kryetar bashkie, kryeministër, zv/kryeministër dhe ministër konsekuent për të zbatuar ligjet e shtetit, zemërmadh edhe me kundërshtarët”, u shpreh pas homazheve kryeparlamentari Gramoz Ruçi.

Edhe presidenti Ilir meta i pranishëm në homazhe vlerësoi figurën e Finos si shprehje e pajtimit dhe bashkimit në një moment të vështirë për vendin.

“Ishte një nga miqtë e mi më të mirë dhe do të mbetet se në një moshë shumë të re u bë një figure frymëzuese për ne më të rinjtë në atë kohë, një punë që e bëri me shumë sukses që ishte edhe baza e përzgjedhjes së tij në ‘97 për të krijuar një parti të pajtimit detyrë që ai e bërë në mënyrë të jashtëzakonshme pasi e dimë sa i polarizuar ishte vendi”, tha presidenti Meta.

Ministri i Shtetit për Diasporën, Pandeli Majko, teksa bëri homazhe në nder të Bashkim Finos vlerësoi veprimin e kundërshtarëve politikë, të cilët anuluan fushatën elektorale duke vlerësuar kontributin e ish-kryeministrit të “Pajtimit Kombëtar”.

Edhe ambasadori i Bashkimit Evropian në vendin tonë, Luigi Soreca bëri homazhe për deputetin Fino, ndërkohë që kryedemokrati Basha së bashku me bashkëshorten mbërritën në Pallatin e Kongreseve pak më parë për homazhe në nder të socialistit Fino.