Studimi: Pacientët që trajtohen nga mjeke femra jetojnë më gjatë

Pacientët e trajtuar nga mjeket femra kanë një shkallë më të ulët të vdekshmërisë në krahasim me pacientët e trajtuar nga homologët e tyre meshkuj, ka zbuluar një studim i ri.

Studiuesit zbuluan se kjo ishte veçanërisht e vërtetë për pacientët femra dhe vëzhguan një model të ngjashëm në normat e ripranimit në spital.

Ekipi publikoi gjetjet e tyre në revistën shkencore Annals of Internal Medicine.

“Gjetjet tona tregojnë se mjekët meshkuj dhe femra praktikojnë mjekësinë ndryshe dhe këto dallime kanë një ndikim të rëndësishëm në rezultatet shëndetësore të pacientëve”, tha Dr. Yusuke Kugawa, një profesor i asociuar në Universitetin e Kalifornisë, Los Angeles (UCLA).

Studiuesit shqyrtuan të dhënat nga më shumë se 776,000 pacientë meshkuj dhe femra të moshës 65 vjeç e lart të trajtuar midis 2016 dhe 2019.

Ata analizuan vdekshmërinë dhe ripranimin e pacientëve 30 ditë pas shtrimit të parë në spital.

Kur trajtoheshin nga një mjek femër, pacientet femra kishin një shkallë vdekshmërie prej 8.15 për qind krahasuar me një normë 8.38 për qind kur trajtoheshin nga një mjek mashkull.

Edhe pse një ndryshim “i madh dhe klinikisht i rëndësishëm” u vu re për pacientët femra, autorët vunë në dukje se “në pacientët meshkuj, nuk ka dallim të rëndësishëm midis mjekëve meshkuj dhe femra”.

Një model i ngjashëm është vërejtur për ripranimet në spital me një normë prej 15.51% për gratë kur trajtohen nga një mjek femër dhe 16.01% kur trajtohen nga një mjek mashkull.

LEXONI GJITHASHTU:

• Studentja: Profesori i Mjekësisë merrte vajzat një nga një në zyrë e u mbyllte derën
• Mjekët japonezë padisin Google Maps për shkak të vlerësimeve të këqija