Partia apo kandidati? Ivi Kaso: Ku është përqendruar fokusi i Partisë Demokratike

Sekretari i Çështjeve Zgjedhore në Partinë Demokratike, Ivi Kaso thotë se vëmendja për garën e 25 prillit nuk është tek ambiciet personale të kandidatëve, por tek fitorja e subjektit elektoral.

Ai shprehet se tek kampi i kundërshtarëve më shumë rëndësi po i jepet votës personale se sa partisë, por ky shqetësim shtoi ai nuk ekziston tek PD-ja.

“Ky fenomen nuk e ka prekur në masë të madhe subjektin tonë elektoral, pra PD, ku veçanërisht vëmendja është të ftojnë qytetarët që të votojnë PD dhe të votojnë ndryshimin pasi janë të bindur se shansi i tyre më i mirë është që ndryshimit të bëhet dhe PD të vijë në pushtet dhe çdo ambicie individuale të kalojë në plan të dytë”, tha ai përballë gazetares Ilva Tare në Euronews Albania.