“Kalaja e Gazës”, SHBA fillon ndërtimin e një skele lundruese për të rritur ndihmën

Ushtria amerikane ka filluar ndërtimin e një skele të madhe lundruese në brigjet e Gazës për të lehtësuar dërgimin e ndihmave humanitare, ka thënë Departamenti i Mbrojtjes.

Sipas mediave të huaja, anijet do të dërgojnë ndihma nga Qipro në skelë ku do të ngarkohen në kamionë për t’u transferuar në të gjithë Gazën.

Skelata do të ngjitet në breg nga një rrugë e përkohshme, të cilën do ta përdorin kamionët.

Zyrtarët amerikanë thonë se skela do të jetë funksionale në fillim të majit, por nuk do të ketë ushtarë amerikanë në terren në Gaza.

Plani u njoftua për herë të parë nga Presidenti Joe Biden në mars, si pjesë e përpjekjeve për të trajtuar urinë në Gaza, të shoqëruara nga problemet me dërgimin e ndihmave, ndërsa Izraeli vazhdon fushatën e tij ushtarake kundër Hamasit.

OKB ka paralajmëruar se uria në Rripin e Gazës është “pothuajse e pashmangshme” dhe fëmijët po vdesin nga uria.

Më shumë se 1000 trupa amerikane pritet të përfshihen në ndërtimin e portit lundrues, por Pentagoni e bëri të qartë që në fillim se punëtorët nuk do të shkelnin në tokë.

Rruga e shtruar do të mblidhet në det, duke i lejuar forcat amerikane të shmangin hyrjen në tokën e Gazës.

LEXONI GJITHASHTU:

• Ministria e Shëndetësisë në Gaza: Numri i viktimave është afër 34,000
• OKB: Më shumë se 10 mijë gra janë vrarë në Gaza që nga tetori