Kanadaja ndërpret vaksinimin me AstraZeneca për njerëzit nën 55-vjeç

Të hënën, Kanadaja pezulloi përdorimin e vaksinës së AstraZeneca-s për njerëzit nën moshën 55 pas shqetësimeve se mund të shkaktojë mpiksje të gjakut.

Komiteti Këshillimor Kombëtar për Imunizimin kishte rekomanduar ndërprerjen për arsye sigurie dhe provincat kanadeze, të cilat administrojnë shëndetin në vend, njoftuan pezullimin.

“Ekziston një pasiguri thelbësore në lidhje me përfitimin e sigurimit të vaksinave AstraZeneca COVID-19 për të rriturit nën 55 vjeç duke pasur parasysh rreziqet e mundshme”, tha mjekja Shelley Deeks, nënkryetare e Komitetit Këshillues Kombëtar për Imunizimin.

Zonja Deeks shtoi se rekomandimet e azhurnuara vijnë mes të dhënave të reja nga Evropa që sugjerojnë se rreziku i mpiksjes së gjakut tani është potencialisht i lartë sa një në 100,000.

Ajo tha se shumica e pacientëve në Evropë që patën një mpiksje të rrallë gjaku pas vaksinimit me AstraZeneca ishin gra nën moshën 55-vjeç, dhe shkalla e fatalitetit midis atyre që zhvillojnë mpiksje është deri në 40%.

Lexoni gjithashtu:

BE bllokon ‘Astrazeneca’, Breton: Dozat, në Evropë derisa të përmbushen detyrimet

Vaksinat dhe trompoza, studiuesit spanjollë: ‘AstraZeneca’ s’ka lidhje me mpiksjen e gjakut