Qetësia para stuhisë, Kosova voton nesër, qytetarët vendosin qeverinë e re

Këtë të diel, 1.8 milionë qytetarë kosovarë do të votojnë për zgjedhjet e parakohshme parlamentare.

Ditën e sotme, vendi është në heshtje zgjedhore dhe kjo u ndalon kandidateve dhe partive politike që të zhvillojnë fushatë në ditën e fundit para zgjedhjeve.

Ditët që lamë pas ishin vërtet të nxehta për Kosovën, pasi e gjithë vëmendja ishte përqendruan në zhvillimet elektorate aq sa u anashkaluan në jo pak raste edhe rregullat anti-COVID.

Në garë për këto zgjedhje janë regjistruar 28 subjekte politike, 21 prej të cilave parti, 2 koalicione dhe 5 iniciativa qytetare.

Lufta kundër korrupsionit, ekonomia e rënduar si pasojë e Covid-19 dhe dialogu me Serbinë do të jenë çështjet kryesore që presin qeverinë e re dhe gjithashtu kanë qenë çështjet kryesore që janë përdorur edhe si kalë beteje në fushatën elektorale të këtyre ditëve.

Gjithashtu edhe zgjedhja e presidentit të ri pritet të luajë një rol të madh në krijimin e koalicioneve qeverisëse.

Euronews Albania do transmetojë gjatë gjithë ditës zhvillimet më të fundit nga zgjedhjet në Kosovë me analiza, të ftuar dhe lidhje direkte me gazetarët tanë nga terreni.