“Tentoi vetëvrasjen 4 herë”- Momenti kur policët në SHBA dhunojnë italianin (VIDEO)

Një video e publikuar nga familja dhe avokatët e 25-vjeçarit italian Matteo Falcinelli ka shkaktuar tronditje në Itali.

Sipas mediave të huaja, ai është një i ri që ka ndjekur një program master në biznesin e turizmit në Miami, Shtetet e Bashkuara të Amerikës. Më 25 shkurt, Falcinelli vizitoi një klub ku tha se kishte pirë dy kokteje dhe kishte parë një strip shoë. Më pas, sipas avokatit të tij, ai kuptoi se dikush i kishte marrë dy celularët me një sërë informacionesh personale nga xhaketa.

Le urla di dolore, i piedi legati con una cinghia alle manette dietro la schiena. Matteo Falcinelli, studente italiano di 25 anni, è stato arrestato e incaprettato in cella per 13 minuti dalla polizia di Miami, in Florida. Le immagini pubblicate dal @qnazionale. pic.twitter.com/yt4NIx7aDH

— Marco Fattorini (@MarcoFattorini) May 4, 2024

Pas tensionit me pronarët e dyqanit, Falcinelli doli në rrugë, ku po e priste policia. I irrituar, siç raporton shtypi italian, ai i kërkoi policisë amerikane që të merrte masa për të gjetur celularët e tij, ku kishte edhe kodet e llogarisë bankare. I riu është imobilizuar me kokën në asfalt dhe gjurin e një polici që i shtyp fytyrën, siç shkruan gazeta La Repubblica. Menjëherë më pas, një oficer i sigurisë së dyqanit i ka dorëzuar një punonjësi policie celularët e studentit italian.

Më pas 25-vjeçari italian është dërguar në komisariat, ku siç duket nga video e transmetuar nga disa media, është dhunuar rëndë. Policët e kanë imobilizuar sërish dhe me rrip i kanë shtrënguar prangat dhe i kanë lidhur këmbët. Ky abuzim zgjati 13 minuta, ku i riu përsëriti se kërkonte vetëm respektimin e të drejtave të tij dhe qante nga dhimbjet e tmerrshme.

VIDEO | A Miami l’arresto violento di uno studente italiano. Le drammatiche immagini (Esclusiva di Quotidiano Nazionale) #ANSA https://t.co/x3sDWSMRhR

— Agenzia ANSA (@Agenzia_Ansa) May 5, 2024

Falcinelli u gjykua për rezistencë ndaj autoritetit policor dhe aktualisht është jashtë burgut pasi pranoi të kryente ‘shërbimin e komunitetit’ për një periudhë të shkurtër kohe.

Nëna e tij tregoi se djali i saj, pas kësaj eksperience traumatike, ka tentuar të vriste veten katër herë dhe se më në fund ka arritur të durojë falë forcës së tij mendore, edhe për faktin se në të kaluarën ka qenë sportist profesionist. Familja e Matteo Falcinelli ka bërë të ditur se synon t’i drejtohet drejtësisë, të rivendosë të vërtetën dhe me synimin për të dënuar të gjithë përgjegjësit.

LEXONI GJITHASHTU:

• Akuzohet për përdhunim, gjykata e Apelit në New York rrëzon vendimin për producentin
• Përdhunimet e paramilitarëve serbë, Osmani- Beogradit: Sillni kriminelët