Erion Braçe kujton Bashkim Finon, momentet e njohjes dhe cilësitë që kishte

Zëvendëskryeministri Erion Braçe kujtoi për Euronews Albania momentet e njohjes dhe kujtimet e ndara me Bashkim Finon, ish-kryeministrin e vitit 1997, i cili u nda nga jeta pak ditë më parë.

Braçe i tha gazetares Ilva Tare se ishte njohur me Finon që në vitet e para të pluralizmit pas zgjedhjeve vendore që pasuan ato parlamentare të vitit 1992. Ai tha se me Finon ka qen “mik i pandashëm”.

“[E kujtuam] Gjithë ditën, dje dhe sot… aktiviteti në Lushnjë nisi me një minutë heshtje në respekt të Bashkim Finos sepse ishte deputet i Lushnjës, ai ishte shumë më tepër se një deputet,” – vlerësoi Braçe.

“Kemi luftuar [politikisht] bashkë kudo që kemi qenë, në Berat dhe Fier, bashkë në parlament, në kryesi të PS-së, jashtë… ishim miq dhe kishim pasione të përbashkëta, futbolli ishte një tjetër pasion që kishim, që luanim bashkë, Partizani gjithashtu, këto ishin gjithashtu aspekte që na bashkonin,” – tha Braçe duke kujtuar njohjen me ish-kryeministrin Fino që në vitet 90-të.

Braçe kritikoi disa nga komentet e shprehura publikisht për Bashkim Finon duke u përqendruar kryesisht te ish-kryetari i PD-së, Sali Berisha, i cili sipas tij “ka qenë ai që e ka akuzuar më shumë me një mijë të zeza”.

“Bashkimi që njoha unë ka qenë sa i qetë, aq i drejtë, sa luftëtar, aq dhe shpërthyes […] ai ishte një njeri i zakonshëm si të gjithë, punëtor dhe njeri që i bënte njerëzit për vete, qoftë kur qeshte, qoftë dhe kur shpërthente ndaj një gjëje të padrejtë,” – vijoi Braçe.

LEXONI GJITHASHTU: 

• A vendos Rama fatin politik të figurave në PS? Si përgjigjet zv.kryeministri Erion Braçe
• Erion Braçe: Lufta Nacionalçlirimtare duhet t’u duket “Rock” të rinjve
• Braçe: Jemi detyruar të mbajmë kontrata konçensionare që po u prishën i bëjnë dëm shtetit
• Erion Braçe me objektiva të qartë: Në Fier luftojmë për 11 mandate
• ”Thonë se kam harruar që jam pjesë e qeverisë”, Erion Braçe tregon se si do të ishte si opozitar
• Erion Braçe: Pritja e Bashës në Fier nuk ishte entuziaste por kriminale, pasi rrezikon jetë njerëzish