Dita Botërore e Autizmit, mungojnë të dhënat dhe specialistët në vendin tonë 

Sot është Dita Botërore e Autizmit, ditë kur synohet të rritet ndërgjegjësimin në të gjitha nivelet e shoqërisë lidhur me çrregullimet e spektrit të autizmit dhe përmirësimin e jetës së atyre që jetojnë me autizëm. Sipas të dhënave nga Organizata Botërore e Shëndetit, në rang botëror, 1 në 160 fëmijë diagnostikohet me çrregullime të spektrit të autizmit çdo vit

Ne vendin tone autizmi është njohur në fillim të viteve 2000.

Autizmi është një çrregullim në zhvillimin nervor që prek aftësinë e fëmijëve për t’u socializuar normalisht, duke ndikuar në aftësinë e tyre për të përdorur komunikimin verbal dhe joverbal.

Në vendin tonë nuk ka të dhëna të saktë se sa fëmijë lindin me autizëm dhe sa prej tyre janë në trajtim apo në kurim.

Janë shumë të pakta qendrat shtetërore të cilat trajtojnë këta fëmijë. Gjithçka është lënë në dorë të qendrave private, të cilat për shumicën e prindërve janë të papërballueshme.