Arbër Çekaj flet për arrestimin e babait: Është një klan që kërkon të përfshijë familjen tonë në trafik droge

Arbër Çekaj ka reaguar në seancën e radhës në Apelin e Posaçëm, lidhur me arrestimin e babait të tij, Selim Çekaj.

Ai është shprehur se  babai i tij nuk ka lidhje me trafikun e kokainës dhe se është një klan i caktuar që kërkon të përfshijë familjen e tij në trafikun e drogës.

“Po masakrohet gjithë familja ime. Babai im është 72-vjeç, profesor i nderuar. Arrestuat babain e kulakut. Edhe brenda familjes nuk po na trajtojnë njëlloj. Mua ma çuan kontejnerin në magazinë  në Maminas, ndërsa babait ia hapën në port. Kjo tregon që është një klan i caktuar që kërkon të përfshijë familjen tonë në trafik”, u shpreh Arbër Çekaj para togave të zeza.

Kjo deklaratë e Çekajt vjen, pasi një ditë më parë në portin e Durrësit u kapën 49 kg kokainë, të cilat ndodheshin në kontejnerin e  firmës Ecoalmax në Maminas, me administrator Selim Çekajn.

Selim Çekaj në deklarimet paraprake ka mohuar të ketë lidhje lëndën narkotike, duke e shprehur se ai kishte porositur vetëm banane.

Lexoni gjithashtu:

Sekuestrohen rreth 49 kg kokainë në kontejnerin e babait të Arbër Çekajt-Foto ekskluzive