Sondazhet e para të zgjedhjeve në Britani, fitore dërrmuese e laburistëve

Laburistët janë në rrugën e duhur për të kapërcyer fitoren dërrmuese të Tony Blair në 1997, sipas sondazhit të parë për fushatën zgjedhore të përgjithshme në Britani.

Sipas parashikimeve të sondazhit pritet që partia e Sir Keir Starmer të fitojë një shumicë të madhe prej 194 deputetësh, nga 422 vende në parlament. Konservatorët mund të pësojnë humbjen e tyre më të madhe që nga viti 1906, duke fituar vetëm 140 vende.

Një tjetër sondazh i publikuar gjatë fundjavës sugjeroi se konservatorët mund të fitonin vetëm 66 vende në parlament.

Rezultati do të ishte një fitore e padiskutueshme e laburistëve, nën udhëheqjen e Sir Keir Starmer, i cili është dhe kandidati i tyre për kryeministër.