Zgjedhja e presidentit, Abdixhiku: Albin Kurti po synon të krijojë destablitet politik

Kryetari i Lidhjes Demokratike të Kosovës (LDK), Lumir Abdixhiku kërkoi edhe njëherë nga kryeministri Albin Kurti, që të tërheq ligjin për zgjedhjet e përgjithshme në Kosovë.

Në seancën e djeshme ai tha se opozita nuk i nënshtrohet Kurtit dhe se LDK e ka bërë pjesën e saj duke ofruar konstruktivitet në çështjen e zgjedhjes së presidentit.

Sipas tij kryeministri po bënë shantazh dhe synon të krijojë destablitet politik duke mos dashur të zgjidhë çështjen e presidentit.

“Gabohesh nëse imagjinon nënshtrimin e opozitës, e mashtron veten, i mashtron qytetarët tanë që kanë votuar për të qeverisur, e mashtron edhe Vjosën që i ke premtuar ta bësh presidente. LDK e ka bërë pjesën e saj si një parti shumë e përgjegjshme, ju po e bëni të vetmen gjë që dini të bëni, të krijoni kriza të vazhdueshme. Tërhiqe ligjin, mos na dërgo në zgjedhje”, tha ai.

Kreu i LDK-së shtoi se Kosova ka nevojë për reformë zgjedhore, por sipas tij një reformë e tillë nuk bëhet natën dhe pa konsultim me opozitën dhe shoqërinë civile.

Lexoni gjithashtu:

Trazohet klima politike në Kosovë, Kurti kalon nga Presidenti te vota emigrantëve

“Opozita i druhet zgjedhjeve të reja”, analisti Zekrija Shabani: Kurti po u bën shantazh