Macron i vendosur për fitoren/ “Është koha për qartësim”

Emmanuel Macron thotë se është i vendosur për të fituar zgjedhjet legjislative të parakohshme që thirri pas humbjes së aleatëve të tij ndaj partisë së ekstremit të djathtë të Marine Le Pen në zgjedhjet evropiane.

Në intervistën e tij të parë që nga votimi i së dielës, ai mohon akuzat se vendimi i tij për të shpërndarë parlamentin mund t’i japë pushtet të madh politik ekstremit të djathtë dhe në thelb ta neutralizojë aftësinë e tij për të bërë politikë të brendshme.

“Jo fare. Unë po mendoj vetëm për Francën. Ishte një vendim i mirë dhe në interes të vendit. U them francezëve: mos kini frikë, shkoni dhe votoni,” tha ai në një intervistë të zhvilluar pas kthimit në Paris.

“Kjo është fryma e institucioneve tona: kam dëgjuar popullin francez. Tani është koha për qartësim. Shpërbërja është gjesti më i qartë, më radikal dhe më i fortë. Një gjest i madh besimi në popullin francez” tha Macron.

LEXO GJITHASHTU:

• Biden dhe Macron dalin me deklaratë të përbashkët, përmendet dhe Kosova
• Radikalët francezë në zgjedhje, Le Pen: Unë drejt Presidencës, Bardella kryeministër