Kryesia e Kuvendit të Kosovës mblidhet në 14:30, seanca për presidentin mbahet sot

Kryesia e Kuvendit të Kosovës do të mblidhet në orën 14:30. Shefat e grupeve parlamentare kanë marrë një mesazh se duhet të paraqiten në ambientet e Kuvendit.

KosovaPress ka mësuar se kryesia e Kuvendit do të mblidhet në orën 14:30. Shefat e grupeve parlamentare kanë marrë një mesazh ku u thuhet se duhet të paraqiten në ambientet e Kuvendit.

Atyre nuk iu është thënë se për çfarë është njoftuar mbledhja e kryesisë, por vetëm se ajo do të mbahet.

Burime të KosovaPress pranë LVV-së konfirmojnë se sot do të zhvillohet një seancë e jashtëzakonshme për zgjedhjen e presidentit gjatë orëve të pasdites.

Nga ana tjetër, LDK ka premtuar se do të marrë pjesë në votimin për zgjedhjen e presidentit të ri me kusht që të tërhiqet Ligji për Zgjedhjet i cili u tentua të ndryshohet mbrëmë.