Koreja e Veriut i dërgon Rusisë kontenierët me 5 milionë predha

Koreja e Veriut ka dërguar në Rusi kontejnerë që mund të mbajnë gati pesë milionë predha artilerie, ka thënë ministri i Mbrojtjes i Koresë së Jugut.

Duke folur për Bloomberg Neës, Shin Wosnik tha se Seuli kishte zbuluar të paktën 10,000 kontejnerë transporti në rrugën e tyre për në Rusi.

Në këmbim, Rusia thuhet se i ka dërguar Koresë së Veriut teknologji për të ndihmuar në planet e saj për të shkatërruar satelitët spiun, si dhe armët konvencionale.

“Putini pritet të kërkojë bashkëpunim më të ngushtë të sigurisë me Korenë e Veriut, veçanërisht me furnizimet ushtarake si predha artilerie që janë të nevojshme për të fituar luftën”, tha Shin.

Vladimir Putin pritet të vizitojë Phenianin në ditët në vijim për të takuar Kim Jong-un.

Udhëheqësi i Koresë së Veriut vizitoi Rusinë shtatorin e kaluar dhe besohet se ka rënë dakord për një marrëveshje me Putinin që e pa Moskën të merrte armatim në këmbim të mbështetjes teknologjike për programin hapësinor të Koresë së Veriut.

LEXONI GJITHASHTU:

• Putin zbulon kushtet e Rusisë për armëpushim me Ukrainën
• Lufta në Ukrainë i kushton Rusisë 30 miliardë euro për dëmshpërblime klimatike