Protesta masive në Bruksel, të rinjtë kundër të djathtës ekstreme

Më shumë se 4,000 njerëz kanë marshuar në Bruksel për të protestuar kundër të djathtës politike dhe racizmit.

Protesta e organizuar nga Koordinata Anti-fashiste e Belgjikës (CAB), mblodhi rreth 20 lëvizje sociale dhe organizata.

“Është e rëndësishme të tregojmë se jemi në solidaritet me të gjithë, pavarësisht nga kombësia e tyre, çfarë fitojnë apo çfarë bëjnë. Ne qëndrojmë bashkë dhe duam një shoqëri që nuk na ndan. Një shoqëri që nuk përjashton, një shoqëri që nuk është raciste apo seksiste,” tha anëtarja e CAB.

“Shumë prej nesh u tronditën nga rezultatet e zgjedhjeve, të cilat treguan përparime të djathta ekstreme në nivelin evropian,” tha një organizatë.

Partitë e djathta dhe të djathta ekstreme fituan ndjeshëm në zgjedhjet e BE-së, me rezultatin më dramatik që erdhi në Francë. Partia Nacionaliste e Marine Le Pen zuri vendin e parë në sondazhe me më shumë se 31% të votave, duke shtyrë Presidentin Macron të shpërndajë Asamblenë Kombëtare dhe të thërrasë zgjedhje të parakohshme.

Demonstruesit në Bruksel treguan se ngritja e së djathtës ekstreme nuk ishte “e pashmangshme” dhe se është e rëndësishme ta luftonin duke ndërtuar alternativa sociale dhe demokratike.

“Ne do t’u tregojmë atyre se të rinjtë nuk janë të tërhequr plotësisht nga e djathta ekstreme dhe se shumica prej nesh vazhdojmë të luftojmë kundër ideve të tyre,” tha një protestues 17-vjeçar.

LEXO GJITHASHTU:

• Francë| Protestë kundër të djathtës ekstreme përpara zgjedhjeve parlamentare
• “S’dua tia lë vendin të djathtës ekstreme”, Macron: Të bashkohemi, t’i mposhtim