“Koha” e Oltsen Gripshit, artisti bashkëkohor sjell ekspozitën e re, një përpjekje për të shpjeguar kohën

Në këtë kohë pandemie ka munguar arti. Përtej gjithë vështirësive dhe kufizimeve, ka artistë që pikërisht koha ku po jetojmë, i frymëzon për të sjellë artin e tyre bashkëkohor dhe për të përçuar mesazhe të rëndësishme.

E tillë është ekspozita vetjake e artistit bashkëkohor Oltsen Gripshi, e cila është hapur këtë fundjavë në qytetin e Durrësit. Instalacioni “KOHA” kërkon të përfshijë brenda saj aktivizimin me komunitetin, duke krijuar një dialog rreth kohës së shkuar, në bashkëkohësinë që jetojmë dhe thurjes së saj në të ardhmen.

Në një intervistë për Euronews Albania artisti Gripshi tha se përmes kësaj ekspozite kishte dashur të kthejë në një vepër artistike tragjedinë që goditi Durrësin, me tërmetin e nëntorit 2019.

“Ekspozita ndërtohet përmes 300 orëve, kam dashur të përfshij edhe komunitetin në këtë ekspozitë duke i ftuar të dhurojë një ose më shumë ora dhe vendosur emrin dhe mbiemrin në rripin e orës.

Orët janë të të gjitha llojeve, të kohëve të ndryshme dhe secila thërret në kujtesë periudhaa të ndryshme