Kim Jong Un: Koreja e Veriut mbështet plotësisht ‘operacionin’ e Rusisë në Ukrainë

Udhëheqësi i Koresë së Veriut, Kim Jong Un, është shprehur se mbështet plotësisht ‘operacionin ushtarak’ të Rusisë në Ukrainë.

Sipas mediave të huaja komentet Kim i bëri gjatë takimit me presidentin e Rusisë, Vladimir Putin, gjatë vizitës së këtij të fundit në Phenian.

Kim më herët kishte pohuar se të dy vendet po hyjnë në një periudhë “prosperiteti të ri”.

Kim tha gjithashtu se Koreja e Veriut synon të forcojë “bashkëpunimin strategjik me Rusinë”, sipas një raporti të agjencisë ruse Interfax.

Aleanca mes Rusisë dhe Koresë së Veriut është parë me shqetësim në Perëndim, të cilët pretendojnë se Koreja e Veriut furnizon Moskën me municione dhe ushtarë për të luftuar kundër Ukrainës.

LEXONI GJITHASHTU:

• Koreja e Veriut teston një raketë balistike
• Koreja e Veriut thotë se ka testuar armë të reja, raketa lundruese dhe kundërajrore