Putin vulos partneritetin strategjik me Kim Jong Un/ Çfarë pritet nga marrëveshja?

Rusia dhe Koreja e Veriut nënshkruan Marrëveshjen Gjithëpërfshirëse të Partneritetit Strategjik dhe Putin dhe udhëheqësi i Koresë së Veriut Kim Jong Un biseduan për më shumë se dy orë.

Vladimir Putin deklaroi se marrëveshja nënkupton ofrimin e ndihmës së ndërsjellë në rast agresioni kundër njërit prej vendeve.

“Marrëveshja gjithëpërfshirëse e partneritetit e nënshkruar sot parashikon, ndër të tjera, ofrimin e ndihmës së ndërsjellë në rast agresioni ndaj njërës prej palëve në këtë marrëveshje”, tha Putin.

Në këtë kontekst, ai tërhoqi vëmendjen ndaj deklaratave të SHBA-së dhe vendeve të tjera të NATO-s për blerjen e sistemeve me rreze të gjatë veprimi me precizion të lartë, avionëve F16 dhe armëve dhe pajisjeve të tjera të ngjashme për sulme në territorin rus, sipas agjencisë ruse.

“Kjo nuk është vetëm një deklaratë, ajo po ndodh dhe e gjithë kjo paraqet një shkelje të rëndë të kufizimeve të marra nga vendet perëndimore në kuadër të llojeve të ndryshme të detyrimeve ndërkombëtare”, theksoi Putin.

Udhëheqësi rus e quajti dokumentin e përgatitur më parë themelor dhe vuri në dukje se ai do të përfaqësojë bazën e marrëdhënieve midis Rusisë dhe Koresë së Veriut për shumë vite.

Putin theksoi se Moska vlerëson shumë mbështetjen e vazhdueshme të Koresë së Veriut, duke përfshirë mbështetjen për operacionin special ushtarak të Rusisë. Ai përkujtoi se vitin e kaluar të dy vendet shënuan 75 vjet nga vendosja e marrëdhënieve diplomatike, ndërsa këtë vit 75 vjet nga përfundimi i dokumentit të parë ndërshtetëror: Marrëveshja për bashkëpunim ekonomik dhe kulturor. Putin shprehu shpresën se takimi i radhës i liderëve të dy vendeve do të zhvillohet në Rusi.

Kim theksoi se marrëveshja e nënshkruar është mbrojtëse dhe paqësore dhe i shërben ndërtimit të një bote multipolare, si dhe korrespondon me statusin e ndryshuar të dy vendeve në skenën botërore.

“Nënshkrimi i marrëveshjes për partneritetin gjithëpërfshirës strategjik midis Rusisë dhe Koresë së Veriut është një ngjarje e rëndësishme sepse parashikon zhvillimin e bashkëpunimit midis dy vendeve, përfshirë në fushën e ekonomisë, politikës dhe mbrojtjes”, tha Kim.

Presidenti i Koresë së Veriut e quajti Rusinë “mikun dhe aleatin më të ndershëm”, ndërsa presidentin rus Vladimir Putin “mikun më të dashur të popullit korean”.

LEXO GJITHASHTU:

• VIDEO| Tapet i kuq për Putinin në një ceremoni luksoze në Phenian
• Flamuj rusë kudo, Vietnami përgatitet të presë Putinin pas vizitës së tij në Phenian