Flamuj rusë kudo, Vietnami përgatitet të presë Putinin pas vizitës së tij në Phenian

Presidenti i Rusisë, Vladimir Putin, pasi të përfundojë vizitën e tij në Korenë e Veriut, do të niset për në Vietnam në një vizitë dy-ditore.

Sipas mediave të huaja, Vietnami po përgatitet të presë liderin rus, i cili pritet të mbërrijë mbrëmjen e sotme në Hanoi.

Fotografitë nga vendi i sunduar nga komunistët tregojnë rrobaqepëse duke bërë flamuj rusë që do të rreshtohen në rrugë dhe një autokolonë të gjatë pranë Hotel Metropole, ku pritet të qëndrojë Putin.

Kujtojmë se gjatë vizitës në Korenë e Veriut, Putin dhe Kim Jong Un nënshkruan edhe një marrëveshje sigurie, që parashikon se vendet do të ndihmojnë njëri-tjetrin në rast të një agresioni nga jashtë.

LEXONI GJITHASHTU:

• Putin pritet me nderime në Korenë e Veriut, Kim: Mbështesim pushtimin e Ukrainës
• Putin mbërrin në Korenë e Veriut për herë të parë në dy dekada