Forcat izraelite plagosin një palestinez e më pas e lidhin para makinës

Ushtria izraelite ka thënë se forcat e saj kanë shkelur protokollin duke lidhur një palestinez të plagosur në pjesën e përparme të automjetit të tyre gjatë një bastisjeje në qytetin Jenin të Bregut Perëndimor.

Forcat e Mbrojtjes të Izraelit konfirmuan incidentin pasi një video u shpërnda në mediat sociale. Një deklaratë e IDF tha se burri u plagos në një shkëmbim zjarri gjatë bastisjes, në të cilën ai ishte i dyshuar.

Familja e të plagosurit tha se kur kërkuan një ambulancë, ushtria e mori atë, e lidhi në mbulesën e xhipit të tyre dhe u largua.

Sipas BBC, individi përfundimisht u transferua në Gjysmëhënën e Kuqe për mjekim. IDF tha se incidenti do të hetohej.

Dëshmitarët okularë duke folur për agjencinë e lajmeve Reuters e identifikuan atë si një vendas dhe e quajtën si Mujahed Azmi.

“Mëngjesin e të shtunës gjatë operacioneve kundër terrorizmit për kapjen e të dyshuarve të kërkuar në zonën e Wadi Burqin, terroristët hapën zjarr ndaj trupave të IDF, të cilët u përgjigjën me zjarr,” thuhet në deklaratën e IDF.

“Gjatë shkëmbimit të zjarrit është lënduar dhe kapur njëri nga të dyshuarit.

“Në kundërshtim me urdhrat dhe procedurat standarde të operimit, i dyshuari është marrë nga forcat i lidhur në majë të një automjeti.

LEXONI GJITHASHTU:

• Zyrtari finlandez i kërkon qeverisë të rishikojë eksportet e armëve në Izrael
• Dy ushtarë izraelitë të vrarë në Gaza/ 1.3 milion palestinezë të rrezikuar nga uria