28 mijë nxënës më pak në sistem, Edmond Dragoti shpjegon arsyet e tkurrjes së arsimit

Në Shqipëri, çdo vit arsimi humbet rreth 25 të rinj në kopshte, shkolla dhe universitete. Edhe në sezonin 2020-2021, regjistrimet shënuan tkurrje më të ndjeshme, me 28 mijë nxënës më pak se vjet.

Psikologu, profesor Edmond Dragoti tha për Euronews Albania se kjo është një dukuri e shfaqur tani, por e përgatitur shumë kohë më parë.

Sipas psikologut të njohur, shkak kryesor i kësaj tkurrjeje në arsim është rënia e numrit të lindjeve që nisi pas viteve ’90 dhe vazhdon të bjerë në mënyrë të vazhdueshme.
Ai shpjegoi se i takon qeverive përmes politikave stimuluese që të ndikojnë në rritjen e numrit të lindjeve, në mënyrë që popullsia të mos shkojë drejt plakjes së vazhdueshme.

“Popullsia plaket më shumë dhe lindjet pakësohen dhe së dyti emigracioni masiv ku pjesa më e madhe janë të rinj, ndaj lindjet shtohet jashtë vendit.

Edhe pandemia këtë vit krijoi premisa të vetizolimit, çka solli shprehitë e mësimit në shtëpi.

Rritja e numrit të lindjeve është faktori kryesor dhe që duhet të stimulohet me mënyrë demografike me stimuj të punësimit dhe garanci për të ardhmen e familjes”, u shpreh profesori.