Deputeti i parë gjerman me ngjyrë jep dorëheqjen pas thirrjeve raciste e kërcënimeve

Deputeti i parë me ngjyrë afrikane që hyri në parlamentin gjerman, Karamba Diaby, ka njoftuar se nuk do të kandidojë në zgjedhjet federale të vitit të ardhshëm. Kjo deklaratë e tij vjen disa javë pasi zbuloi gjuhën e urrejtjes që u përdor ndaj tij, duke përfshirë sharje raciste dhe kërcënime me vdekje.

“Në vitet e fundit jam përballur me disa kërcënime me vrasje. Kjo tani e ka tejkaluar kufirin,” tha ai. “Urrejtja që mbjell çdo ditë AfD me narrativat e saj mizantropike reflektohet në dhunën konkrete psikologjike dhe fizike. Kjo rrezikon kohezionin e shoqërisë sonë. Ne nuk mund ta pranojmë thjesht këtë” tha ai.

Karamba Diaby, 62 vjeç, i cili hyri në Bundestag në vitin 2013, tha se donte të kalonte më shumë kohë me familjen e tij dhe të linte vend për politikanët më të rinj.

Diaby tha se sharjet raciste dhe kërcënimet me vdekje nuk ishin vetëm “arsyet kryesore” për vendimin e tij, duke theksuar se ai nuk do të mbytet nga kërcënimet. Megjithatë  besohet gjerësisht se ato mesazhe kanë pasur ndikim në vendimin e tij.

Duke u shkruar kolegëve të partisë të martën, Diaby premtoi se do të mbetet aktiv në SPD, veçanërisht në 15 muajt që çojnë në zgjedhje, duke thënë: “Ne përballemi me sfida të mëdha dhe punë të palodhur. Në të njëjtën kohë, mezi pres të kem më shumë kohë për familjen dhe miqtë e mi.”

LEXONI GJITHASHTU:

• Gjermani: Një ndër çdo pesë banorë me origjinë nga jashtë
• Zbulohet komploti i Rusisë për të vrarë shefin e kompanisë së mbrojtjes në Gjermani