EMRAT| SPAK godet grupin kriminal të kultivimit të drogës, 10 të arrestuar

Policia e Shtetit në bashkëpunim me Prokurinë e Posaçme goditën këtë të mërkurë një grup që merrej me kultivimin e lëndëve narkotike në disa fshatra të Shkodrës.

Bëhet me dije se hetimet për operacionin e titulluar “Oblika” u shtrinë në një periudhë 2-vjeçare, ku u mblodhën prova për grupin e strukturuar kriminal që merrej me kultivimin e kanabisit.

Gjatë periudhës hetimore, grupit i janë sekuestruar 246 kilogramë kanabis në proces tharjeje dhe i janë asgjësuar 32 000 bimë kanabisi.

Policia ka ekzekutuar 12 masa sigurie, “Arrest në burg” u caktua për 10 shtetasit: Danjela Hasani, Arben Uruçi, Ardjan Tahiri, Hekuran Myrtja, Samet Dahati, Izmir Dahati, Besar Lejthiza, Ermis Sela, Afrim Dahati dhe Arian Popa.

Ndërkohë që në “Arrest në shtëpi” u lanë shtetasit Pjetër Gjoni dhe Roland Gjoni. Materialet procedurale i kaluan SPAK, për veprime të mëtejshme.

NJOFTIMI I POLICISË:

Në kuadër të një hetimi të iniciuar në vitin 2022, në Prokurorinë e Shkodrës dhe të ndjekur proaktivisht nga SPAK, Departamenti i Policisë Kriminale i DPPSH, në bashkëpunim me Drejtorinë Vendore të Policisë Shkodër, finalizoi operacionin policor të koduar “OBLIKA”. Gjatë operacionit u ekzekutua masa e sigurisë “Arrest në burg”, caktuar nga SPAK, për veprat penale “Kultivimi i bimëve narkotike” dhe “Prodhimi dhe shitja e narkotikëve”, të kryera në kuadër të grupit të strukturuar kriminal, për shtetasit:

-A. U., 50 vjeç, banues në Shkodër;

-A. T., 30 vjeç, banues në Koplik;

-H. M., 45 vjeç, banues në Shkodër;

-S. D., 36 vjeç, banues në Shkodër;

-I. D., 28 vjeç, banes në Shkodër,

-B. L., 23 vjeç, banues në Shkodër;

-E. S., 22 vjeç, banues në Shkodër;

-A. D., 23 vjeç, banues në Shkodër;

-A. P., 23 vjeç, banues në Shkodër;

-D. H., 44 vjeçe, banuese në Tiranë.

Gjithashtu, u ekzekutua masa e sigurisë “Arrest në shtëpi”, caktuar nga SPAK, për të njëjtat vepra penale, për shtetasit P. Gj., 50 vjeç dhe R. Gj., 50 vjeç, të dy banues në Shkodër.

Këta 12 shtetas akuzohen se të organizuar si grup i strukturuar, janë implikuar në veprimtaritë kriminale të kultivimit dhe prodhimit të cannabis sativës, në fshatra të ndryshme të Shkodrës, kryesisht në njësinë administrative Oblikë. Gjatë hetimeve të kryera për të dokumentuar veprimtaritë kriminale të këtyre shtetasve, janë sekuestruar 246 kilogramë cannabis në proces tharjeje dhe janë asgjësuar 32 000 bimë cannabisi.

LEXONI GJITHASHTU:

• Iu gjetën armë dhe municion luftarak në banesë, arrestohet 21-vjeçari
• GJKKO zgjat afatet e paraburgimit për Ramazan Rrajën dhe 4 të arrestuar të tjerë
• I shpallur në kërkim për shpërdorim detyre, arrestohet ish-polici në Lezhë