Bllokimi i fluturimeve, Rama: Është marrë peng aktiviteti i aeroportit të Rinasit

Kryeministri Rama ka reaguar nga Tepelena për grevën që kanë shpallur punonjësit e “Alb-kontroll”.

Duke bërë përgjegjës për këtë situatë, Presidentin Meta dhe ish-kryeministrin Berisha, Rama tha se ngjarja ka cenuar sigurinë kombëtare dhe se është marrë peng aktiviteti i aeroportit për të mos lejuar mbërritjen e vaksinave në Shqipëri.

“Unë nuk mund të shmang diçka që ka ndodhur para pak orësh, ka ndodhur nën akt i paimagjinueshëm.

Është marrë peng aktiviteti i aeroportit ‘Nënë Tereza’ nga një grup i nxitur drejtpërdrejtë nga Ilir Meta dhe Sali Berisha.

Berisha prej ditësh ka dalë hapur, duken e nxitur këtë akt, ndërsa Ilir Meta ka hedhur gurin, një gurë që quhet leshko”, tha kreu i qeverisë nga Tepelena.