Mbrojtja ajrore e Ukrainës: Kemi rrëzuar 25 dronë të lëshuar nga Rusia

Mbrojtja ajrore e Ukrainës ka rrëzuar 25 nga 38 dronët e lëshuar nga Rusia në territorin ukrainas në orët e para të 25 korrikut, thanë Forcat Ajrore.

Dronët u shkatërruan mbi rajonet e Odesës, Hersonit, Mikolajivit, Kievit, Sumit, Zhitomirit dhe Çerkasit, u tha në njoftim.

Sipas ushtrisë ukrainase, tre dronë “u zhdukën, pasi kaluan kufirin rumun”.

Rumania, shtet anëtar i NATO-s, përmes një njoftimi tha se janë lëshuar mesazhe telefonike në qarkun Tulkea, që gjendet në kufi me Ukrainën, për të paralajmëruar publikun për rrezikun nga rrëzimi i mbetjeve të dronëve.

Kjo është hera e dytë që Rumania lëshon një paralajmërim të tillë në ditët e fundit.

LEXONI GJITHASHTU:

• Gjermania planifikon të përgjysmojë ndihmën ushtarake për Ukrainën
• Rreziku ndaj SHBA dhe Evropës nuk do të ndalet me Ukrainën, paralajmërojnë zyrtarët