Balluku: Sot nisin fluturimet esenciale nga aeroporti i Rinasit

Ministrja e Infrastrukturës, Belinda Balluku dha një deklaratë për mediat nga aeroporti i Rinasit pas situatës së krijuar nga kontrollorët e trafikut ajror.

Ministrja sqaroi se fluturimet esenciale do të nisin ditën e sotme. Fluturimet humanitare, emergjente, shëndetësore, diplomatike, shtetërore dhe ushtarake janë ato që përfshihen në kategorinë e fluturimeve esenciale.

“Ju njoftoj që kemi arritur që me një përpjekje shumë të madhe gjatë natës së mbrëmshme të ruajmë sasinë e vaksinave, të konsiderueshme që duhet të vinte dje në Shqipëri por që është bllokuar për shkak të kësaj greve të paligjshme dhe do të vijë sot rreth orës 3 pasdite ku më pas do të fillojë shpërndarja ashtu siç ishte planifikuar,” – tha Balluku.

Ministrja informoi qytetarët që do të jetë e pamundur që të kemi fluturime të aviacionit civil por tha se po punohet për gjetjen e një zgjidhje e cila do të mitigohet ditën e nesërme.

“Nesër që nga orët e para të mëngjesit dhe gjatë gjithë ditës do fillojmë të kemi operime normale në aeroportin e Rinasit për të gjithë udhëtarët e fluturimeve komerciale,” – shpjegoi ministrja Balluku.

LEXONI GJTIHASHTU: 

• Prokuroria ngre akuzë për tre kontrollorë të trafikut ajror, lihen të lirë të tjerët
• Bllokimi i fluturimeve në Rinas, Rama: Meta dhe Berisha duan të kthejnë kaosin në vend
• Mbi 100 qytetarë presin në aeroportin e Rinasit për të vijuar udhëtimet