Presidenti i ATCEUC: Kontrollorët nuk duhen importuar, shohim përdorim politik

Volker Dick, president i ATCEUC, Unionit Europian të Kontrollorëve tha se gjendja kritike nuk i shkaktohet vetëm aeroportit të Rinasit por gjithë vendit.

Ai u shpreh për Euronews Albania, se kemi të bëjmë me një përshkallëzim tejet të panevojshëm.

Teksa sqaroi se kishte marrë në konsideratë të gjitha lidhjet e tij me sindikatën shqiptare dhe kishte kontrolluar gjithë dosjet e mundshme, Dick tha se arriti në konkluzionin se kjo është një temë e cila çalon që prej vitit 2014 dhe nuk kishte pse të ndodhte pikërisht tani në këtë moment.

“Mundem vetëm të imagjinoj se disa elementë, institucionet, qeveria apo ministria po e përdorin këtë situatë në një kohë kur Shqipëria po shkon në zgjedhje. Më falni, po ne nuk jemi të përfshirë në politikë. Jemi një organizatë me staf profesionist dhe është në punën që ne bëjmë që të kujdesemi për profesionin tonë, për të drejtat njerëzore, shoqërore dhe profesionale,” – u shpreh Dick.

LEXONI GJITHASHTU: 

• Nis aktiviteti në aeroportin e Rinasit, nuk ka ende kontrollorë shqiptar të kthyer në punë
• Pasagjerët e bllokuar prej dy ditësh në aeroportin “Nënë Tereza” të shqetësuar
• Prokuroria ngre akuzë për tre kontrollorë të trafikut ajror, lihen të lirë të tjerët