Manastirliu ndjek vaksinimin në Sheshin Skëndërbej, nga e hëna do injekohen +60 me sëmundje kronike

Mëngjesin e sotëm, ministrja e Shëndetësisë dhe Mbrojtjes Sociale Ogerta Manastirliu ka parë nga afër vaksinimin masiv në Sheshin Skëndërbej.

“Tashmë kemi hyrë në grupmoshat mbi 65-vjeç, procesi ka vijuar që në mëngjes. Ne po ecim me ritme të shpejta falë edhe punës së ekipit të gjithë vaksinatorëve”, tha Manastirliu.

Duke ju kërkuar qytetarëve të vaksinuar të vijojnë të mbrohen edhe disa javë, Manastirliu ka bërë apel për të gjithë qytetarët +60 vjeç, të regjistrohen pranë mjekut të familjes për ditën dhe orën e vaksinimit.

Ndërkohë ditën e nesërme nis vaksinimi i persona mbi 60-vjeç që janë me sëmundje kronike.

Që prej fillimit të vaksinimit anti-COVID janë kryer në total 256,848 vaksinime, prej të cilëve 182,669 vaksinime për të moshuarit.

Ndërkohë një ditë më parë u konfirmuan 360 raste të reja me COVID-19 në 3342 testime të kryera.

Ministria e Shëndetësisë bëri me dije se 6 persona humbën jetën për shkak të  virusit.

Lexoni gjithashtu:

360 raste të reja dhe 6 humbje jete nga COVID-19 në Shqipëri